Ripoti mpya kutoka Hispania zinaeleza kuwa mshambuliaji nyota Robert Lewandowski huenda akaondoka FC Barcelona katika dirisha lijalo la usajili wa majira ya kiangazi.
Inaelezwa kuwa nyota huyo wa Poland amepoteza nafasi yake ya kudumu katika kikosi cha kwanza cha kocha wa Barça, hali inayochochea tetesi za kuondoka kwake Nou Camp.
Kwa muda mrefu AC Milan imekuwa ikipewa nafasi kubwa ya kumsajili mshambuliaji huyo mwenye umri wa miaka 37, lakini sasa klabu ya FC Porto imejitokeza kama mshindani mpya wa kushtua.
Mabingwa hao wa Liga Portugal wanadaiwa kuwa na nia ya dhati ya kumleta Lewandowski nchini Ureno kabla ya msimu mpya kuanza.
Iwapo dili hilo litakamilika, huenda ikawa sura mpya na ya mwisho katika maisha ya soka ya mshambuliaji huyo nguli barani Ulaya.