Muungano wa kisiasa wa Waziri Mkuu wa Israel, Benjamin Netanyahu, unaendelea kushikilia nafasi ya nyuma ukilinganishwa na vyama vya upinzani katika matokeo ya kura za maoni, licha ya kupata uungwaji mkono wa wazi kutoka kwa Rais wa Marekani, Donald Trump.
Ripoti iliyotolewa na mtandao wa The Cradle inaonyesha kuwa pande zote mbili bado zinakabiliwa na kizingiti kikubwa katika kufikia idadi ya viti bungeni inayohitajika ili kuunda serikali thabiti.
Moja ya sababu kuu zinazotajwa kuchangia hali hii ni msimamo mgumu wa vyama vingi kukataa katakata kushirikiana na vyama vya kisiasa vinavyowawakilisha Wapalestina wenye uraia wa Israel.
Hata hivyo, matokeo ya kura hizi yanaakisi tu mwelekeo wa maoni ya wananchi kwa kipindi kilichohusika, na hayamaanishi kuwa Netanyahu ameshindwa rasmi uchaguzi ujao au kwamba kambi ya upinzani imehakikishiwa ushindi wa kuunda serikali.
Maoni