Mashirika ya ndege ya Saudi Arabia yamehamisha ndege kadhaa kutoka uwanja wa Riyadh kufuatia operesheni za kijeshi za Yemen, hatua inayoongeza shinikizo katika sekta ya anga ya ufalme huo.
Al-Masirah, ikinukuu Wall Street Journal, imeripoti kuwa takwimu za Flightradar24 zilionyesha idadi ya ndege uwanjani hapo ikipungua kutoka 134 hadi 38 kufikia adhuhuri ya Jumatano.
Kampuni ya Riyadh Air ilihamisha ndege nne kati ya tano ilizokuwa nazo katika uwanja huo kwenda viwanja vingine, ikiwemo uwanja wa Prince Mohammad bin Abdulaziz mjini Madinah.
Ripoti ya bima iliyonukuliwa ilirekodi ndege moja kuharibika kabisa na nyingine tano kupata uharibifu. Thamani ya bima ya ndege hizo kwa pamoja ilikadiriwa kuwa dola milioni 375.
Kuendelea kufungwa kwa uwanja kunaweza kuvuruga mitandao ya safari na kuongeza gharama za bima dhidi ya hatari za vita.
Hali hiyo inaikabili Saudi Arabia wakati ikiwekeza makumi ya mabilioni ya dola katika viwanja, ndege na upanuzi wa usafiri wa kimataifa.
Maoni