TEHRAN, IRAN – Jeshi la Walinzi wa Mapinduzi ya Kiislamu ya Iran (IRGC) limetekeleza shambulio la makombora ya ballistic dhidi ya Kambi ya Jeshi la Anga la Marekani ya Prince Hassan nchini Jordan, na kuharibu kituo cha amri na udhibiti pamoja na gereji za ndege zisizo na rubani za MQ-9, ikiwa ni hatua ya kulipiza kisasi kufuatia mivutano ya kijeshi iliyotokea kusini mwa Lango Bahari la Hormuz.
Kwa mujibu wa taarifa rasmi iliyotolewa na Kurugenzi ya Uhusiano wa Umma ya IRGC, shambulio hilo lililofanyika usiku wa kuamkia leo limelenga moja kwa moja miundombinu muhimu ya kijeshi ya Marekani. Hatua hiyo imekuja baada ya Iran kuishutumu Marekani kwa kujaribu kuingiza meli kinyume cha sheria katika Mlango-bahari wa Hormuz na kisha kushambulia vituo vya pwani na minara ya mawasiliano ya Iran.
Katika taarifa yao kwa vyombo vya habari, IRGC ilieleza sababu za shambulio hilo ikisema:
“Jeshi la anga la IRGC limezishambulia kambi za kijeshi za Marekani. Katika hatua ya kwanza, tumelenga miundombinu muhimu katika kambi ya Prince Hassan nchini Jordan, ambapo kituo cha amri na udhibiti pamoja na gereji za ndege zisizo na rubani za MQ-9 zimeharibiwa kabisa kwa makombora kadhaa ya ballistic.”
Aidha, jeshi hilo limetoa onyo kali kwa Marekani kuhusu uwezekano wa kuendelea kwa mapigano hayo, likisema: “Kuendelea kwa uvamizi wowote kutoka kwa Marekani kutakabiliwa na majibu makali zaidi.”