Uchumi wa nchi za Magharibi unazidi kuwa katika hatari ya kubadilika ghafla kwa bei ya nishati kutokana na kupungua kwa akiba ya mafuta na gesi, huku madeni yakipunguza uwezo wa serikali kupunguza makali ya mfumuko wa bei kwa wananchi.
Kwa mujibu wa RT, ikinukuu tathmini ya Shirika la Fedha la Kimataifa, IMF, vita vya Mashariki ya Kati vinaendelea kuathiri usambazaji wa nishati duniani.
Tathmini hiyo inaeleza kuwa akiba ya gesi barani Ulaya iko karibu na viwango vya chini zaidi katika miaka 15. Bei za bidhaa zilizosafishwa za mafuta bado ziko juu kwa asilimia 70 hadi 95 ikilinganishwa na kabla ya vita.
Akiba ya mafuta duniani inapungua kwa takriban mapipa milioni 2.7 kwa siku.
IMF pia imetaja mashambulizi ya Ukraine kwenye miundombinu ya mafuta ya Urusi kuwa chanzo kingine cha shinikizo.
Kuelekea majira ya baridi, Ulaya inakabiliwa na hatari za ziada kutokana na uharibifu wa miundombinu ya nishati Qatar na kuvurugika kwa usafirishaji kupitia Hormuz.
Maoni