Jeshi la Yemen linaloongozwa kutoka Sana’a limetangaza kufanya mashambulizi dhidi ya vikosi vya Saudi Arabia katika eneo la al-Yatama, mkoa wa Jawf, huku mapigano ya ardhini yakiongezeka.
Kitengo cha habari cha kituo cha kuongozea operesheni za Yemen kilitoa picha za video Oktoba 17 zikionyesha mashambulizi dhidi ya magari na vikosi vya ziada vya Saudia.
Mtandao huo unasema video hizo zinaonyesha magari ya kijeshi yakiteketea na vifaa vilivyoachwa baada ya vikosi vya Saudia kuondoka katika eneo hilo.
Vikosi vya Yemen pia vilionekana vikiwa na silaha, risasi na vifaa vingine vilivyotekwa, kwa mujibu wa ripoti hiyo.
Wakati huohuo, Al-Masirah imesema watu wasiopungua tisa waliuawa katika mashambulizi ya ndege za Saudi dhidi ya eneo la makazi huko Maqbanah, mkoa wa Taiz. Wanawake na watoto walitajwa kuwa miongoni mwa waathirika.
Operesheni za Yemen zinaendelea wakati serikali ya Sana’a ikisema inajibu mashambulizi ya Saudi Arabia na vizuizi dhidi ya nchi hiyo.
Maoni