Utawala wa Rais Donald Trump unamchunguza mbunge wa Minnesota, Ilhan Omar, kwa lengo la kujenga kesi inayoweza kusababisha kuvuliwa uraia wake wa Marekani na hatimaye kufukuzwa nchini, kwa mujibu wa ripoti iliyonukuliwa na Press TV.
Ripoti hiyo ya Wall Street Journal inaeleza kuwa uchunguzi unahusu historia ya uhamiaji na namna Omar alivyopata uraia. Maafisa walipekua makazi yake Washington na kuchukua simu, kompyuta, madaftari na pasipoti.
Omar, aliyezaliwa Somalia, aliwasili Marekani na familia yake mwaka 1995 baada ya kuishi katika kambi ya wakimbizi nchini Kenya. Alipata uraia akiwa na umri wa miaka 17.
Kwa mujibu wa taarifa hiyo, baadhi ya jamaa zake wameitwa kutoa ushahidi, huku mumewe, Tim Mynett, pia akichunguzwa.
Mbunge huyo amepinga hatua hizo, akisema serikali inatumia vyombo vya kutekeleza sheria kuwalenga wapinzani wa kisiasa. Amesisitiza kuwa hatanyamazishwa.
Uchunguzi huo unafanyika wakati Omar akitafuta kuchaguliwa tena katika uchaguzi wa katikati ya muhula.
Maoni